ဧပြီ ၂-၂၀၂၆
MT(VOM)
အမေရိကန်နိုင်ငံသားများထံသို့ ပေးပို့သော အိတ်ဖွင့်ပေးစာတစ်စောင်တွင် အီရန်သမ္မတ မာဆု ပီဇက်ရှ်ကီယန် (Masoud Pezeshkian) က တဟီရန်အပေါ် ဆင်နွှဲနေသော အမေရိကန်-အစ္စရေး စစ်ပွဲသည် “အမေရိကန်ကို ပထမနေရာတွင်ထားခြင်း (America First)” အမှန်တကယ် ဖြစ်၊ မဖြစ် မေးခွန်းထုတ်ခဲ့ပြီး ထရမ့်အစိုးရကိုလည်း စစ်ရာဇဝတ်မှုများ ကျူးလွန်သည်ဟု စွပ်စွဲလိုက်သည်။
“စွမ်းအင်နှင့် စက်မှုလုပ်ငန်းဆိုင်ရာ အဆောက်အအုံများ အပါအဝင် အီရန်ရဲ့ အရေးပါတဲ့ အခြေခံအဆောက်အအုံတွေကို တိုက်ခိုက်ခြင်းဟာ အီရန်ပြည်သူတွေကို တိုက်ရိုက်ပစ်မှတ်ထားခြင်းပဲ ဖြစ်ပါတယ်” ဟု ပီဇက်ရှ်ကီယန်က ပြောကြားခဲ့သည်။ “ဒီလို လုပ်ရပ်တွေဟာ စစ်ရာဇဝတ်မှုမြောက်ရုံတင်မကဘဲ အီရန်နိုင်ငံရဲ့ နယ်နိမိတ်ထက် ကျော်လွန်တဲ့ အကျိုးဆက်တွေကိုပါ သယ်ဆောင်လာစေမှာ ဖြစ်ပါတယ်။”
“ဒီစစ်ပွဲကြောင့် အမေရိကန်ပြည်သူတွေရဲ့ ဘယ်လိုအကျိုးစီးပွားတွေကို အမှန်တကယ် အလုပ်အကျွေးပြုနေတာလဲ” ဟု ပီဇက်ရှ်ကီယန်က ဆက်လက်ပြောကြားခဲ့သည်။
ထို့အပြင် ဝါရှင်တန်အနေဖြင့် “အစ္စရေးရဲ့ ကိုယ်စားလှယ်အဖြစ်၊ ထိုအစိုးရရဲ့ လွှမ်းမိုးခြယ်လှယ်မှုအောက်မှာ” စစ်ပွဲအတွင်းသို့ ဝင်ရောက်ခဲ့ခြင်း ရှိ၊ မရှိကိုလည်း ၎င်းက မေးခွန်းထုတ်ခဲ့သည်။
အမေရိကန် သာမန်ပြည်သူများသည် “နိုင်ငံခြားသားများ၏ ထပ်တလဲလဲ စွက်ဖက်မှုများနှင့် ဖိအားပေးမှုများကို ရင်ဆိုင်နေရသည့်တိုင်အောင်” အီရန်၏ ရန်သူမဟုတ်ကြောင်း ၎င်းက ပြောကြားခဲ့သည်။
Source TRT WORLD
